Աշխարհագրական տեղեկատվական համակարգեր (ԱՏՀ) և հեռազննում
Շուշանիկ Ասմարյան
ԱՏՀ և հեռազննման բաժնի ղեկավար
Աշխ. գիտ. թեկ.
ԱՏՀ և հեռազննման բաժնի աշխատանքներն ուղղված են շրջակա միջավայրի միջառարկայական հետազոտություններում ժամանակակից աշխարհագրական տեղեկատվական համակարգերի (ԱՏՀ) և հեռազննման տեխնոլոգիաների ներդրմանը և այդպիսով` Հայաստանում շրջակա միջավայրի հեռազննման մշտադիտարկման համակարգի հիմնադրմանը։
ԱՏՀ և հեռազննման տեխնոլոգիաների կիրառվում են հետևյալ ուղղություններով
- Կլիմայի փոփոխության պայմաններում լանդշաֆտների կայունության գնահատում
- քաղաքային տարածքների էկոլոգիական բարեկեցության գնահատում և ջերմային կղզիների մշտադիտարկում
- գյուղատնտեսական տարածքների (արոտավայրեր, խոտհարքեր, խաղողի այգիներ և այլն) էկոլոգիական վիճակի գնահատում և մշտադիտարկում
- լանդշաֆտային բաղադրիչների (հող, ջուր, բույս) աղտոտման հեռազննում։
- ցամաքային ջրային մարմինների հեռազննում և մշտադիտարկում
Բաժինը հագեցած է օդատիեզերական և դաշտային սպեկտրոռադիոմետրիկ պասիվ և ակտիվ հեռազննման տեխնիկական, տեղեկատվական և ծրագրային հնարավորություններով և վերապատրաստված կադրային կազմով։
ԱՏՀ և հեռազննման բաժինն ունի լայն տեղական և միջազգային համագործակցային ցանց, որի շնորհիվ իրականացվում են համատեղ գիտահետազոտական ծրագրեր, հրատարակվում են համատեղ գիտական հոդվածներ միջազգային գրախոսվող պարբերականներում, և մասնագետները շարունակաբար վերապատրաստվում են միջազգային առաջատար գիտակրթական կենտրոններում:
2022 թ-ից բաժնում ձևավորվել և գործում է «Տվյալագիտության և մեքենայական ուսուցման» գիտական խումբ, որի առաքելությունն է ժամանակակից ՄՈւ մոլեդների ադապտացմամբ նպաստելու հեռազննման տվյալների վերծանման մեթոդների կատարելագործմանը։
