ՆՈՐ՝ ՄԻԿՐՈ-ՈՐԱԿԱՎՈՐՄԱՆ ԱՆՎՃԱՐ ԴԱՍԸՆԹԱՑ

Նոր՝ միկրո-որակավորման դասընթաց

«Շրջակա միջավայրի գիտությունների հիմունքներ»

 

ՀՀ ԳԱԱ Էկոլոգանոոսֆերային հետազոտությունների կենտրոնը (Էկոկենտրոն) և ՅՈՒՆԵՍԿՕ-ի «Կրթություն հանուն կայուն զարգացման» ամբիոնը, շարունակական և ոչ ֆորմալ կրթության շրջանակներում, հայտարարում են «Շրջակա միջավայրի գիտությունների հիմունքներ» նոր միկրո-որակավորման դասընթացի մեկնարկի մասին։ Միկրո-որակավորումը կարճաժամկետ ուսումնառության ընթացքում ձեռք բերված գիտելիքների և հմտությունների վավերացված ու չափելի արդյունք է, որը հաստատվում է հստակ չափանիշների հիման վրա։ Այն ժամանակակից և ճկուն կրթական ձևաչափ է, որը հնարավորություն է տալիս արագ զարգացնել մասնագիտական կարողությունները՝ համապատասխանեցնելով դրանք աշխատաշուկայի արդի պահանջներին։

 

Դասընթացը կազմակերպվում է Micro-GEAR Erasmus+ ծրագրի շրջանակներում և առաջին անգամ իրականացվելու է անվճար հիմունքներով։ Micro-GEAR Erasmus+ ծրագիրը նպատակ ունի աջակցել Հայաստանի և Վրաստանի բարձրագույն կրթության համակարգերում կառուցվածքային բարեփոխումներին՝ ներդնելով և զարգացնելով միկրո-որակավորումները որպես ժամանակակից, ճկուն և աշխատաշուկային համապատասխան կրթական գործիք։ Ծրագիրը համահունչ է Եվրոպական խորհրդի միկրո-որակավորումների վերաբերյալ հանձնարարականներին և միտված է շարունակական կրթության ու աշխատունակության զարգացմանը։

 

Ծրագրին կմասնակցեն 10–15 ընտրված մասնակիցներ, ովքեր դասընթացի բոլոր փուլերը հաջողությամբ ավարտելու դեպքում կստանան ծրագրի շրջանակում տրամադրվող հավաստագիր։

 

 

👥 Ո՞վ կարող է դիմել

Դասընթացին կարող են դիմել՝

• ուսանողներ,
• երիտասարդ հետազոտողներ,
• մասնագետներ,
• պետական և հասարակական կազմակերպությունների ներկայացուցիչներ,

ովքեր գործունեություն են ծավալում բնագիտական կամ հարակից ոլորտներում։

📚 Դասընթացի ձևաչափը

Տևողություն

• 7-9 շաբաթ (ինտենսիվ)

Հաճախականություն

• Շաբաթական 3 օր
  (երեքշաբթի, հինգշաբթի, շաբաթ)

Ժամային բաշխում

• Երեքշաբթի, հինգշաբթի — 17:00–20:00
• Շաբաթ — 10:00–13:00

🎓 Ուսուցման կառուցվածքը

• 30% — դասախոսություններ
• 25% — սեմինարներ, գործնական աշխատանքներ և քննարկումներ
• 25% — ինքնուրույն ուսումնառություն
• 20% — հետազոտական և նախագծային աշխատանք

 

🌱 Դասընթացի նկարագրություն

Դասընթացը միջառարկայական ներածություն է շրջակա միջավայրի գիտությունների ոլորտում՝ հիմնված Հայաստանի բնապահպանական հիմնախնդիրների, կայուն զարգացման մարտահրավերների և դրանց գիտական ուսումնասիրման վրա։

Ծրագիրը համադրում է տեսական գիտելիքները գործնական և հետազոտական մոտեցումների հետ՝ հատուկ ուշադրություն դարձնելով`

• Հայաստանի էկոհամակարգերին,
• անթրոպոգեն ազդեցություններին,
• շրջակա միջավայրի մշտադիտարկմանը,
• ռիսկերի գնահատմանը,
• ԱՏՀ/GIS և հեռազննման կիրառություններին,
• էկոտոքսիկոլոգիայի հիմունքներին։

 

Դասընթացի ընթացքում մասնակիցները կաշխատեն փորձառու գիտնականների և մասնագետների հետ, կծանոթանան Էկոկենտրոնի գիտական ստորաբաժանումների աշխատանքին և կստանան իրական տվյալների վրա հիմնված գործնական փորձ։

 

🎯 Դասընթացի նպատակները

• ներկայացնել շրջակա միջավայրի գիտության հիմնարար հասկացություններն ու սկզբունքները,
• ծանոթացնել Հայաստանի բնապահպանական մարտահրավերներին,
• զարգացնել տվյալների վերլուծության և քննադատական մտածողության հմտությունները,
• ամրապնդել գիտական գիտելիքները քաղաքականության և կառավարման գործընթացների հետ կապելու կարողությունը։

✅ Վերջնարդյունքներ

Դասընթացի ավարտից հետո մասնակիցները կկարողանան՝

• վերլուծել բնապահպանական խնդիրները՝ կիրառելով գիտական մոտեցումներ,
• կիրառել GIS/ԱՏՀ և հեռազննման գործիքներ,
• մշակել և վերլուծել շրջակա միջավայրի տվյալներ,
• հասկանալ էկոտոքսիկոլոգիայի և ռիսկերի գնահատման հիմունքները,
• իրականացնել պարզ մոնիթորինգային և հետազոտական նախագծեր,
• կիրառել տվյալահեն մոտեցումներ կայուն զարգացման գնահատման մեջ։

 

📖 Դասընթացի մոդուլները

Մոդուլ 1 — Շրջակա միջավայրի գիտությունների հիմունքներ

• Դասընթացի ներածություն
• Կայուն զարգացման նպատակներ
• Գլոբալ և տեղական բնապահպանական խնդիրներ
• Էկոկենտրոնի գիտական բաժինների ներկայացում
• Մարդու ազդեցությունը շրջակա միջավայրի վրա

Մոդուլ 2 — Մշտադիտարկում և տվյալների վերլուծություն

• Երկրահամակարգեր և մշտադիտարկում
• Նմուշառման հիմունքներ
• Շրջակա միջավայրի տվյալների հավաքագրում և վերլուծություն

Մոդուլ 3 — Էկոտոքսիկոլոգիա

• Էկոթունաբանության ներածություն
• Թունանյութերի դասակարգում
• Թունավոր ազդեցությունների մեխանիզմներ և ազդեցության ուղիներ

Մոդուլ 4 — ԱՏՀ և հեռազննում

• GIS/ԱՏՀ և հեռազննման հիմունքներ
• Տարածական տվյալների մոդելներ
• Հեռազննման կիրառությունները բնապահպանական հետազոտություններում

Մոդուլ 5 — Հետազոտական և նախագծային աշխատանք

• Հետազոտության տրամաբանություն
• Նախագծային աշխատանքների իրականացում
• Ամփոփիչ աշխատանքի ներկայացում և պաշտպանություն

 

📝 Ընտրության կարգը

Մասնակիցների ընտրությունը կիրականացվի՝

• դիմում-փաստաթղթերի ուսումնասիրության,
• և հարցազրույցի հիման վրա։

Նախապայմաններ

• համապատասխան ոլորտի բազային գիտելիքներ,
• անհատական նոթբուք,
• հայերեն և անգլերեն լեզուների իմացություն։

 

 

📅 Դասընթացի ժամկետներ

• Դասընթացի սկիզբ — 16 հունիսի, 2026
• Դասընթացի ավարտ — 4 օգոստոսի, 2026
• Ամփոփում և միկրո-որակավորման շնորհում — 2026 թ. սեպտեմբերի առաջին կես

🏅 Վկայագրում և կրեդիտային համակարգ

• Կրեդիտ — 3
• Ձևաչափ — առկա

 

Դասընթացի մոդուլների առնվազն 70%-ի հաջող յուրացման և վերջնական նախագծային աշխատանքի ներկայացման դեպքում մասնակիցները կստանան հավաստագիր։ Մյուս մասնակիցներին կտրամադրվի մասնակցության հավաստագիր։

Դիմելու համար անցե՛ք հետևյալ հղմամբ՝ https://forms.gle/zcVH5g9hiz6wAeYF9

Գրանցման վերջնաժամկետ՝ Հունիսի 1