Տեղեկատվական օր Էկոկենտրոնում

Սույն թվականի ապրիլի 28-ին, ՀՀ ԳԱԱ Էկոլոգանոոսֆերային հետազոտությունների կենտրոնում տեղի ունեցավ կարևոր հանդիպում՝ Տեղեկատվական օր «Երկրի դիտարկման խումբ (Group on Earth Observations (GEO) www.earthobservations.org) Հայաստանի Հանրապետության անդամակցությունը և ռազմավարական զարգացման հեռանկարները» թեմայով:

Միջոցառումը կազմակերպվել էր ՀՀ ԿԳՄՍՆ Բարձրագույն կրթության և գիտության կոմիտեի համակարգմամբ և մասնակցությամբ:

Քննարկման հիմնական նպատակն էր ներկայացնել Հայաստանի անդամակցությունը GEO միջկառավարական միջազգային կազմակերպությանը, ինչպես նաև Երկրի դիտարկումների ոլորտում հանրապետության ռազմավարական զարգացման հնարավորությունները։

 Բանախոսներ էին՝

• Լիլիթ Սահակյան – ՀՀ ԳԱԱ Էկոկենտրոնի տնօրեն

• Սարգիս Հայոցյան – ԵԴԽ Հայաստանյան ղեկավար, ՀՀ ԿԳՄՍՆ ԲԿԳԿ նախագահ

• Յանա Գևորգյան – GEO Քարտուղարության Տնօրեն

• Շուշանիկ Ասմարյան – GEO Հայաստանյան աշխատանքների համակարգող կոնտակտային անձ, Էկոկենտրոնի գիտական գծով փոխտնօրեն, ԱՏՀ և հեռազննման բաժնի ղեկավար

Օրվա ընթացքում ներկայացվեցին՝

GEO միջկառավարական համաշխարհային կազմակերպության դերը Կայուն զարգացման հիմնախնդիրների լուծմանն ուղղված Երկրի դիտարկումների ոլորտում

• Հայաստանի GEO անդամակցության ռազմավարական նշանակությունը և համագործակցության հեռանկարները՝ COP17-ի նախաշեմին: