COP17-ին ընդառաջ․ Էկոլոգանոսֆերային հետազոտությունների կենտրոնում անցկացվեց ուսուցիչների եռօրյա համաժողովի երկրորդ փուլը

10.08.2026

Օգոստոսի 5–7-ը ՀՀ ԳԱԱ Էկոլոգանոսֆերային հետազոտությունների կենտրոնի ՅՈՒՆԵՍԿՕ-ի «Կրթություն հանուն կայուն զարգացման» ամբիոնում կայացավ «COP17-ին ընդառաջ. ուսուցիչների եռօրյա համաժողովի» երկրորդ փուլը։

Հուլիսյան համաժողովի նկատմամբ աննախադեպ հետաքրքրությունից հետո, երբ նախատեսված 35 տեղի համար գրանցվել էր 206 ուսուցիչ, որոշում կայացվեց կազմակերպել նոր համաժողով, որպեսզի ավելի շատ մանկավարժներ հնարավորություն ստանան միանալու նախաձեռնությանը։

Այս երեք օրերի ընթացքում Հայաստանի տարբեր մարզերից և Երևանից ժամանած ուսուցիչները՝

🔬 ծանոթացան NASA-ի GLOBE ծրագրի միջազգային գիտական մեթոդաբանությանը,

🌱 ուսումնասիրեցին բնապահպանական հետազոտությունների իրական պրոտոկոլները,

📊 իրականացրին դաշտային դիտարկումներ և տվյալների հավաքագրում,

💡 մշակեցին դպրոցներում իրականացվելիք հետազոտական նախագծեր,

🤝 ձևավորեցին նոր մասնագիտական համագործակցություններ։

📚 Սեպտեմբերին մասնակից ուսուցիչներն իրենց դպրոցներում կիրականացնեն GLOBE-ի մեթոդաբանությամբ հետազոտական նախագծեր՝ ներգրավելով աշակերտներին իրական գիտահետազոտական աշխատանքներում, իսկ լավագույն նախագծերը կներկայացվեն հոկտեմբերին կայանալիք ամփոփիչ միջոցառման ընթացքում։

Շնորհակալություն ենք հայտնում բոլոր մասնակիցներին՝ մասնագիտական նվիրումի, ակտիվ մասնակցության և բնապահպանական կրթության զարգացման գործում իրենց ներդրման համար։

✨ Ուրախ ենք տեղեկացնել, որ մոտ ապագայում նախատեսվում է համաժողովի վերջին՝ երրորդ փուլը, նախապես գրանցված մասնակիցների համար։

🌍 COP17-ին ընդառաջ միասին ձևավորում ենք հետազոտող, գիտահեն և բնապահպանական պատասխանատվությամբ առաջնորդվող դպրոցներ։