Կենսաէներգիայի և կերային ռեսուրսներ
Կենսաէներգիայի և կերի որակի բաժինը ստեղծվել է 2005թ. ՀՀ ԳԱԱ Էկոկենտրոնում։ Բաժնի հիմնական հետազոտական ոլորտը ընդգրկում է որոճող կենդանիների կերերի և սննդարարության հարցերը՝ հատուկ ուշադրություն դարձնելով արածեցման ենթարկված բնական արոտավայրերին։
Մասնավորապես, հիմնական հետազոտական ողղությունները հետևյալն են.
- Բնական կերահանդակների առաջնային արդյունավետության և մոնիտորինգի իրականացում, ներառյալ էկոլոգիական և մարդածին գործոնների ազդեցության գնահատում (ուղղաձիգ գոտիներ, լեռնալանջերի դիրքադրություն, արածեցման ինտենսիվություն և այլն) բուսածածկի, առուցվածքի և կենսաբազմազանության, կերի քիմիական բաղադրության, սննդային և էներգետիկ արժեքի վրա,
- Գերիշխող բարձարժեք վայրի աճող հացազգի և բակլազգի տեսակների կենսաբանական և էկոլոգիական հատկությունները և սննդային արժեքը,
- Տվյալների բազայի ընդլայնում՝ գերարածեցված և դեգրադացված արոտավայրերի բարելավման և որոճող կենդանիների օրական չափաբաժնի ձևավորման համար,
- Ուսումնասիրված ցուցանիշները կարող են օգտագործվել համայնքների արոտավայրերի կայուն կառավարման նպատակով՝ շրջանակային արածեցման սխեմաների մշակման ժամանակ:
