Օգոստոսի 11-12-ը Աղվերանում անցկացվեց «Աշխարհագրական Տեղեկատվական Համակարգերի (#ԱՏՀ) և հեռազննման տեխնոլոգիաների կիրառման ոլորտները և հնարավորությունները» խորագրով 1-ին երիտասարդական ամառային։

2022թ․ օգոստոսի 11-ից-12-ը ք․Աղվերանում տեղի ունեցավ Գ.Տեփանոսյանի հիշատակին նվիրված «Աշխարհագրական Տեղեկատվական Համակարգերի (#ԱՏՀ) և հեռազննման տեխնոլոգիաների կիրառման ոլորտները և հնարավորությունները» խորագրով 1-ին երիտասարդական ամառային դպրոցը։ Ամառային դպրոցը կազմակերպվում է ՀՀ ԳԱԱ Էկոլոգանոոսֆերային հետազոտությունների կենտրոնի կողմից՝ ՀՀ կրթության, գիտության, մշակույթի և սպորտի նախարարություն Գիտության կոմիտեի համաֆինանսավորմամբ: 

Դպրոցի կազմակերպման նպատակն էր երիտասարդ մասնակիցներին ծանոթացնել ժամանակակից ԱՏՀ և հեռազննման տեխնոլոգիաներին և շրջակա միջավայրի և գեոէկոլո-գիական հետազոտություններում դրանց կիրառման հնարավորություններին: Գաղափա-րական հիմքում՝ երիտասարդ արդյունավետ գիտնական, կ․գ․թ. Գ․Տեփանոսյանի թեև կարճ, սակայն շատ բեղուն գիտական գործունեության, գիտության մեջ դրսևորվելու և զարգանալու լավագույն օրինակելի փորձի փոխանցումն է։

Ամառային դպրոցը բաղկացած էր երկօրյա հագեցած ծրագրից՝

• դասախոսություններ ՀՀ և միջազգային հեղինակության գիտնականների կողմից,
• արբանյակային և ԱԹՍ լուսանկարների ստացման, դրանց մշակման և կիրառման ուղղություններին ծանոթացում,
• գործնական աշխատանքներ․ ԱԹՍ լուսանկարահանում, արբանյակային լուսանկարների վերծանմամբ խմբային աշխատանքներ
• աշխատանքային խմբերում գործնական պարապմունքներ, հանձնարարութ-յուններ, կիրառական հմտությունների և կարողությունների զարգացում:

Ամառային դպրոցի վերջում բոլոր մասնակիցներին տրվեցին մասնակցության հավաստագրեր։